രാത്രി അസ്തമിക്കാന് നേരത്ത്
ബാറിലെ അരണ്ട വെളിച്ചത്തിലാണ്
പതിവില്ലതെ ഭാവന ഉണര്ന്നത്.
അവസാന കുപ്പിയുടെ കോര്ക്കു തുറന്നപ്പോഴെ-
ഉറപ്പിച്ചു - സൃഷ്ടി ഇന്നു തന്നെ.
സന്ധ്യക്ക് മദ്യപ സദസ്സിലെ -
രാഷ്ട്രീയം കേട്ടപ്പോള്
തുടങ്ങിയതാണീ അസ്വസ്തത.
പണ്ടേ ചുവപ്പു കണ്ട കാളയെപ്പോലെയാ.
ഉണര്ന്ന ഭാവനയും
തളര്ന്ന ശരീരവുമായി
പടി കടന്നപ്പൊഴേ
ഉച്ചസ്ഥായിലായ ഭാര്യയുടെ
ശബ്ദ സംപ്രേക്ഷണത്തിനു
ശ്രോതാവാകാന് നിന്നില്ല.
ആരാധകവൃന്തവും കൈയടിയും
പുരസ്കാര ശില്പവും മനസ്സിലോര്ത്ത്
വിറക്കുന്ന കൈയാല്
എഴുതിനിര്ത്തു മ്പോള്
നേരം നന്നേ വെളുത്തിരുന്നു
പത്രവാര്ത്തയിലെ രാഷ്ട്രീയ-
കൂദാശയുടെ ക്ലീഷേ എന്ന്-
ആദ്യവായനയില് തന്നെ -
നാലാം തരക്കാരി മകള്
മൂന്നു ദിവസത്തെ പത്രം
തെളിവു നിരത്തി ഭാര്യ-
സംവരണമില്ലതെ തന്നെ
എതിര് കക്ഷി ചേര്ന്നു.
ഇനിയാരു വായിക്കാന് ?
കാശിനു മാത്ര ആശയം വരുന്ന
കാവ്യ നായകന്റെ മാര്ക്കറ്റിംഗ് തന്ത്രം-
മനസിലൊര്ത്തു തലക്കെട്ടെഴുതി.
“കാള് മാര്ക്സും കന്യകാത്വ പരിശോധനയും”
Subscribe to:
Post Comments (Atom)
No comments:
Post a Comment